in ,

香港Staycation之選 灣仔諾富特世紀酒店

上年生日,我答應過你今年會帶你去日本旅行,著住浴衣,參加花火大會。就算因為疫情,我都會履行我嘅承諾,所以我就選擇咗雅高酒店集團Accor旗下位於灣仔嘅香港諾富特世紀酒店Novotel Century Hong Kong,同A姐玩吓Staycaton啦!呢個以日本為主題嘅「尋和味」一泊二食住宿Staycation,雖然無花火大會,但都可以著住浴衣,食吓和牛魚生,飲住清酒欣賞維港景色,當然,我仲會學幾句日文,等佢身在香港都有日本旅行feel啦!

〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店

提提你:喺酒店房度慶祝,除咗要保持乾淨,記住都有限聚令同消防條例,唔好好似啲KOL咁,叫成廿個人上房慶祝呀!當然,我同A姐都係prefer二人世界啦!

酒店大堂
酒店位於灣仔謝斐道,由灣仔港鐵站A2出口,步行5至8分鐘就到喇;另外,距離灣仔渡輪碼頭都只係10分鐘嘅路程,交通位置非常方便!酒店嘅大堂當然唔少得體溫檢測,以確保大家入住安全。酒店樓高23層,提供509間客房同套房。酒店職員嘅服務態度好好,仲主動問我哋需唔需要延遲退房添。

〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店

套房
因為今次係慶祝A姐生日,所以我特登Upgrade咗去套房,等佢有更舒服嘅Staycation體驗。根據酒店資料,套房面積有大概460呎,分為客廳、睡房同浴室三個部份,景觀主要係灣仔市景同維多利亞港嘅部份海景。

〈好遊〉香港Staycation之選 灣仔諾富特世紀酒店

客廳區域
一打開房門就係客廳,客廳佔整個套房大約一半嘅面積,景觀主要係維多利亞港嘅部份海景,最遠可以睇到九龍灣嘅Megabox添!客廳有2大張梳化、茶几、電視配上音響系統,而minibar就有電熱水壺,免費嘅capsule咖啡、茶包同蒸溜水,仲有收費嘅汽水等。

〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店

睡房區域
睡房區域佔整個套房大約4份1嘅面積,雙人床床褥屬於適中偏硬,床單好柔軟,至於枕頭總共有4個,兩個較軟,兩個較硬,總有啱你嘅選擇。

〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店

床嘅兩邊都有閱讀燈,瞓覺前想睇吓書,就夠晒方便。雖然床嘅旁邊未有提供插頭充電,但就有JBL智能鬧鐘,設有兩個USB充電位,亦可以用藍芽接駁電話播放音樂,音質相當唔錯。

〈好遊〉香港Staycation之選 灣仔諾富特世紀酒店

另外,睡房區域內亦設有大大張書檯,正對住維多利亞港嘅部份海景,夠晒開揚。至於,睡房同客廳以門分隔,早起身嘅A姐,就可以出去客廳區域睇電視,唔會騷擾我。

〈好遊〉香港Staycation之選 灣仔諾富特世紀酒店

浴室區域
浴室區域佔整個套房大約4份1嘅面積,而整個浴室區域分為兩部份,一邊係衣帽間位置,另一邊就係以玻璃分隔嘅浴室範圍。衣帽間嘅衣櫃內放有2件浴袍,同今次主打日式主題嘅2件浴衣,當然仲有保險箱、拖鞋、熨衫板同熨斗等,夠晒貼心!

〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店

另外,浴室好光猛,仲有浴缸,可以帶埋日本浴鹽嚟,嚟一個和風浸浴。至於沐浴用品係使用酒店自家品牌,我覺得味道都算唔錯,但如果用唔慣就記住自行準備喇!至於其他個人用品都齊全,包括:剃鬚刀,女性用品、指甲銼等。

〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店

泳池及健身室
酒店設有露天游泳池同健身中心,喺疫情期間會按時段清潔同消毒,想去做運動嘅就要留意時間安排喇!

〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店
〈好遊〉香港Staycation之選 灣仔諾富特世紀酒店

What do you think?

Written by admin

原來是女王的迷你版! 12張「夏綠蒂公主&英國女皇」對比照證明女王基因太強~

港航抄快運推出1.5小時Flycation 最平連稅每人$400有找